Bazara dîrokî ya Heskîfê jî hat rûxandin

Hewlêr (Rûdaw) - Li Heskîfê ku xwedan dîrokeke 12 hezar salî ye, ji bo veguhestina Mizgefta Er-Rizk a 610 salî ‎dema bo esnafên bazara dîrokî hatibû dayîn bidawî bû. Bazara dîrokî bi kepçe û bildozeran hat ‎rûxandin.‎

Ji ber Bendava Ilisu, bajarê dîrokî yê Heskîfê li Bakurê Kurdistanê ku xwedan dîrokeke 12 hezar salî ‎ye di bin avê de dimîne.

Avahiyên dîrokî yên Heskîfê ji cihên wan tên rakirin û bo cihekî din tên ‎veguhestin ku ji aliyê TOKIyê ve hatiye amadekirin.‎

Ji bo veguhestina Mizgefta Er-Rizk a 610 salî Kolana Kale jî hat rûxandin ku bazara dîrokî ya ‎Heskîfê ye.

Piştî dema bo esnafan hatibû dayîn bidawî bû, roja Çarşemê rûxandinê dest pê kir. ‎Li gor medya Tirkiyê, dikandar jî bi dilekî şeikestî ji dikanên xwe dûr ketin ku di nav wan de ‎mezin bûbûn.‎

Dikandarê bi navê Ali Aslankiliç ku ji zaroktiya xwe ve li wê bazara dîrokî kar dike, ji ber ku ‎nezewiciye loma li cihê nû cih nedanê, doh tevlî kelûpelan agir berdabû dikana xwe û rewşa ‎heyî protesto kiribû.‎

 

 

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger