Hewlêr (Rûdaw) - Saziya Keşnasiyê ya Tirkiyê ragihand ku li 2 parêzgehên Bakurê Kurdistanê û 3 parêzgehên Tirkiyê dê baraneke gur bibare û divê ji ber egera lehiyê tedbîrên pêwîst bên wergirtin.
Saziya Keşnasiyê ya Tirkiye roja Înê 23ê Hezîrana 2023an ji bo parêzgehên Çewlig û Erzerom ên Bakurê Kurdistanê û ji bo parêzgehên Trabzon, Artvin û Rize yên Tirkiye hişyariya barana gur daye.
Li gor daxuyaniya saziya navborî dê li piraniya parêzgehên Bakurê Kurdistanê baran bibare lê li parêzgehên Çewlig û Erzeromê egera lehiyê heye.
Herwiha hişyarî hatiye dayîn ku li Deryaya Spî jî dê ba û bahoz hebe û ji bo rewşên nerênî di çûnûhatinê de çênebin divê tedbîrên pêwîst bên wergirtin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse