Hewlêr (Rûdaw) – Li navçeya Misircê ya parêzgeha Sêrtê ya Bakurê Kurdistanê barhilgir, wesayîta tîcarî û otomobîlek li hev qelibîn.
Di encama qezayê de 2 kesan canê xwe ji dest da û 2 kes jî birîndar bûn.
Li ser rêya Sêrt û Êlihê nêzîkî gundê Şênê barhilgira bi şofêrtiya Îslam Îverendî (28), wesayîta tîcarî ya bi şofêrtiya Muslum Oztoprak (34) û otomobîla bi şofêrtiya Mezher Yildirim li hev qelibîn.
Di bûyerê de şofêr Îslam Îverendî mir, şofêr Muslum Oztoprak û Mezher Yildirim, herwiha Faruk Oztoprak ku di wesayîta tîcarî de bû bîrîndar bûn.
Li ser agahdarkirinê, tîmên tenduristiyê, AFAD û cendirme çûn cihê bûyerê.
Tîmên tenduristiyê Muslum Oztoprak û Faruk Oztoprak rakirin nexweşxaneya Dewletê ya Misircê.
Mezher Yildirim jî li cihê bûyerê li ser lingan hat dermankirin.
Ji birîndaran Muslum Oztoprak tevî hemû midaxelayan canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse