Hewlêr (Rûdaw) - Saziya Keşnasiyê ya Tirkiyeyê ji bo 17 bajarên Bakurê Kurdistanê hişyariya barana gur da.
Li herêmên bilind ên Serhedê jî berf û baran bi hev re dibarin.
Saziya Keşnasiyê ragihand ku demjimêrên êvarê dê li parêzgehên Meletî, Xarpêt, Dêrsim, Erzirom, Qers, Erdexan, Agirî, Çewlîg, Mûş, Bedlîs, Amed, Mêrdîn, Êlih, Sêrt, Şirnex, Colemêrg û Wanê yên Bakurê Kurdistanê baraneke gur bibare.
Herwiha li parêzgehên Hatay û Osmaniyeyê yên Tirkiyê jî barana gur dibare.
Li Bakurê Kurdistanê pileyên germê di navbera 3-5 pileyan de dadikevin hewa sar dibe.
Li bakurê bajarên Serhedê li herêmên ji 2 hezar metreyan bilindtir jî berf û baran bi hev re dibarin.
Saziya Keşnasiyê ji ber barana gur hişyariya lehî, brûsk, ba, bahoz, zîpik û pirsgirêkên trafîkê da û ji xelkê xwest ku tedbîrên pêwîst wergirin.
Herwiha ji bo bajarê Sêwazê yê Bakurê Kurdistanê û bajarên Qeyserî, Yozgat û Nevşehîrê yên Tirkiyeyê hişyariya qerisîna berhemên çandiniyê hat dayîn û ji cotkaran hat xwestin ku tedbîrên pêwîst wergirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse