Hewlêr (Rûdaw) - Saziya Keşnasiyê ya Tirkiyeyê ragihand ku li gorî pêşbîniyan îro li gelek parêzgehên Bakurê Kurdistanê barana gur heye.
Herwiha li parêzgehên Erzirom, Erzîngan, Wan û Qersê jî berf dibare.
Li gorî Saziya Keşnasiyê ya Tirkiyeyê, îro li gelek bajarên Bakurê Kurdistanê baran û berf dibare.
Li bajarên Bedlîs, Colemêrg, Şirnex, Sêrt, Mûş, Çewlig, Agirî, Amed, Mêrdîn û Rihayê baran dibare û li bajarên Erzirom, Erzingan, Wan û Qersê jî berf dibare.
Ji bo bajarên Agirî, Çewlig, Bedlîs, Erzerom, Colemêrg, Qers, Mûş û Wanê di asta zer de hişyarî hat dayîn.
Saziya Keşnasiyê ji welatiyên li van bajaran xwest ku ji bo egera lehî û pirsgirêkên çûn û hatinê hişyar bin û tedbîrên pêwîst wergirin.
Herwiha li Bakurê Kurdistanê pileyên germê li gorî şertên demsalê asayî ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse