Kurdistan
Mustafa Ozçelîk bi peyameke piştgiriya xwe ji bo vê hewla Diakurdê nîşan da / Wêne: Rûdaw Grafîk
Hewlêr (Rûdaw) – Serokê Giştî yê PWKyê Mustafa Ozçelîk ragihand ku divê hemû Kurd piştgiriyê bidin hewlên Diakurdê yên ji bo dadgehkirina Tirkiyeyê û neheqiyên ku di Peymana Lozanê de li Kurdan hatine kirin.
Konfederasyona Kurdên Diasporayê (Diakurd) ji bo dadgehkirina Dewleta Tirkiyeyê û neheqiyên Peymana Lozanê ku li Kurdan hatine kirin, serî li Neteweyên Yekbûyî (NY) da û ew serlêdan hat qebûlkirin.
Serokê Giştî yê Partiya Welatparêzên Kurdistanê (PWK) Mustafa Ozçelîk bi peyameke piştgiriya xwe ji bo vê hewla Diakurdê nîşan da û ew pîroz kir.
“Em palpiştê her pêngav û hewldên erênî ne”
Mustafa Ozçelîk di peyama xwe de wiha got:
“Em hêvî dikin Neteweyên Yekbûyî vê mijarê bixe rojeva xwe û ji bo qebûlkirina mafên neteweyî yê miletê Kurd gaveke erênî biavêje.
Em birêvebirên Diyakurdê û parêzerên wan ji bo vê pêngava wan a girîng pîroz dikin.
Em wekî PWKyê di qada neteweyî û navneteweyî de, ji bo meşrûkirina mafê Kurd û Kurdistanê palpiştê her pêngav û hewldên erênî ne.
Bi vê hişmendîyê, em di wê baweriyê de ne ku divê hemû Kurd û Kurdistaniyên cîhanê piştgiriyê bidin vê hewla Diakurdê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse