Hewlêr (Rûdaw) - Li navçeya Elbakê ya parêzgeha Wanê ya Bakurê Kurdistanê, mayin bi serbazekî bi navê Samet Bektaş de teqiya û ew mir.
Wezareta Parastinê ya Tirkiyeyê li ser bûyerê daxuyaniyeke nivîskî belav kir.
Wezareta Parastinê ya Tirkiyeyê ragihand:
“Li navçeya Elbakê ya Wanê 4ê Çiriya Paşîna 2023yan di dema derbasbûna otomobîla serbazan de mayina ku ji aliyê PKKyê ve hatibû çandin teqiya.
Di encamê de serbazê bi girêbest ê bi navê Samet Bektaş giran birîndar bûye. Me ew veguhest nexweşxaneyê lê tevî hemû hewldanên bijîşkî wî serbazî li nexweşxaneyê canê xwe ji dest daye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse