Di navbera PKK û leşkerên Tirkiyeyê de şerekî dijwar rû da / Wêne û Vîdeo: Rûdaw
Hewlêr (Rûdaw) – Li çend gundên qezaya Amêdiyê ya Dihokê di navbera gerîlayên PKKyê û leşkerên Tirkiyeyê de şerekî dijwar rû da.
Hat ragihandin ku ji ber bombebaranê agir bi herêmê ketiye û şêniyên herêmê ji ber tirsa bombebaranê nikarin herin agir vemirînin.
Herwiha çavkaniyên ji herêmê ragihand ku şer û pevçûnan 3 saetan ajotiye.
Şêrwan Sergelî şêniyekî gundê Sergeliyê yê Amêdiyê ye ku şevê din hatiye bombeberankirin.
Şêrwan Sergelî li ser bombebaranê ji Rûdawê re wiha got:
“Artêşa Tirkiyeyê şevê din ji saet 22:00an heta saet 01:00ê bi 4 helîkopteran herêmên gundên Sigêrî, Belave û Sergeliyê û Çiyayê Metînayê yên li navçeya Amêdiyê bombebaran kir.”
Şêrwan Sergelî da zanîn ku wan dengê çekên sivik û giran bihîstiye û “xwiya ye ku gerîlayan bersiv daye êrişan.”
Şêrwan Sergelî diyar kir ku ji ber bombebaranê, agir bi bax û bostanên wan ên li derdora gund ketiye.
Agir bi derdora gund ketiye
Cihê ku agir pê ketiye tenê 800 metreyî dûrî gund e lê şêniyên gund ji ber tirsa bombebaranê nikarin herin agir vemirînin.
Li Çiyayê Metînayê ku dikeve rojhilatê Amêdiyê gelek caran di navbera gerîlayên PKKyê û leşkerên Tirkiyeyê de şer û pevçûn diqewimin.
Herwiha artêşa Tirkiyeyê gelek caran vê herêmê bombebaran dike û gelek malbatan ji gundên xwe bar kiriye.
Li aliyê din, ev hefteyek e ku Tirkiye bi berdawamî derdora gundê Sigêriyê bombebaran dike ku li Çiyayê Metînayê cihekî stratejîk e.
Li #Dihok'ê di navbera #PKK û leşkerên #Tirkiye'yê de şerekî dijwar rû da
— RudawKurdi (@RudawKurdi) September 20, 2023
📌Agir bi herêmê ketiye pic.twitter.com/jUTJ4QygKA
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse