Nêçîrvan Barzanî û Fermandarê Hevpeymanan yekkirina hêzên Pêşmergeyan gotûbêj kir

Hewlêr (Rûdaw) - Serokê Herêma Kurdistanê û Fermandarê Hêzên Hevpeymaniya Navneteweyî Kevin Leahy li hev civiyan.

Di civînê de, pêvajoya çaksaziya yekkirina hêzên Pêşmergeyan û gavên wê gotûbêj kirin.

Serokatiya Herêma Kurdistanê li ser civîna Serokê Herêma Kurdistanê Nêçîrvan Barzanî û Fermandarê Hêzên Hevpeymaniya Navneteweyî Kevin Leahy daxuyaniyek belav kir.

Li gorî daxuyaniya Serokatiya Herêma Kurdistanê, di civînê de rewşa ewlehiyê ya li Îraq û Sûriyeyê, gefên DAIŞê û mijarên têkildarî aramiya herêmê bi awayekî berfireh hatin nirxandin.

Her du aliyan girîngiya hevkariya di navbera Hikûmeta Îraqê, Herêma Kurdistanê û Hevpeymaniya Navneteweyî ya di têkoşîna li dijî DAIŞê de anî ziman.

Pêvajoya çaksaziya hêzên Pêşmergeyan berdewam dike

Hat ragihandin ku yek ji mijarên sereke yên civînê pêvajoya çaksaziya di Wezareta Pêşmergeyan de bû.

Bi taybetî gavên ku dê ji bo yekkirina firqeyên 3 û 4an ên Piyade yên Wezareta Pêşmergeyan bên avêtin hatin gotûbêjkirin.

Her wiha, pêşhatên dawî yên li Rojhilata Navîn bi taybetî jî yên li Sûriye û Rojavayê Kurdistanê û bandora wan a li ser herêmê jî di nav rojevên civînê de bûn.

#HEWLÊR - Firqeyên 3 û 4an ên Piyade yên Wezareta Pêşmergeyan dest bi kar kir

🛑Serokê Herêma Kurdistanê Nêçîrvan Barzanî beşdarî merasîmê bû

📸Bilind Tahir - Rûdaw pic.twitter.com/BIgS5LJAqK

— RudawKurdi (@RudawKurdi) February 4, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger