Hewlêr (Rûdaw) – Li parêzgeha Kirmaşanê ya Rojhilatê Kurdistanê erdhejeke bi hêza 4,5an çêbû û herêma Germiyanê ya Başûrê Kurdistanê jî hejiya.
Erdhejê şeva borî saet 23:58an rû da û mezinahiya wê 4,5 bû.
Pirsporê erdhejan Mihemed Kemal ji Rûdawê re da zanîn ku navende erdhejê herêma Zehawê ya Kirmaşanê bûye.
Mihemed Kemal got ku mezinahiya erdhejê 4,6 û kûrahiya wê jî 10 kîlometre bûye.
Mihemed Kemal da zanîn ku erdhejê di serî de Kelar, hinek deverên Başûrê Kurdistanê yên wekî Kerkûk, Koye û Çemçemalê hejandine.
Malpeya “VolcanoDiscovery”ê jî diyar kir ku mezinahiya erdhejê 4,5 bûye.
Heta niha li ser xisar û ziyanên erdhejê ti daxuyanî nehatiye dayîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse