Hewlêr (Rûdaw) - Li Zanîngeha Yuzuncu Yil a Wanê Enstîtuya Zimanên Zindî dest bi 4emîn Sempozyûma Kurdiyatê kiriye û mijara vê carê Melayê Cizîrî û Mîrata wî ye.
Sempozyûm bi piştgiriya Şaredariya Artemêtê û li Navenda Çandê ya Prof. Dr. Cengiz Andiç tê lidarxistin. Rektorê Zanîngehê Prof. Dr. Hamdullah Şevli di gotara destpêka sempozyûmê de behsa karûbarê Enstîtuya Zimanên Zindî û di nav de jî çalakiyên xwendekarên zimanê Kurdî kir.
Şaredarê Artemêtê Îsmaîl Say jî gotiye ew dê di vê sempozyûmê de behsa Melayê Cizîrî bikin ku şairê eşqa îlahî ye û gotiye eşq beriya temamê gerdûnê hebû ye.
Şêwirmenda Serokomarê Tirkiyê Gulşen Orhan jî gotiye, cihê xemgîniyê ye ku şair, zanyar û nivîskarên weke Melayê Cizîrî bi başî nayêne naskirin û spasiya mamosteyên zanîngehê kiriye.
Ji gelek zanîngehan alim û zanyar beşdarî sempozyumê bûn ku ji Rojhilat û Başûrê Kurdistanê jî hejmarek zana li wir amade bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse