Rêveberê 4emîn Festîvala Fîlman a Kobaniyê ya Navdewletî Cengo Şerîf
Hewlêr (Rûdaw) – Çaremîn Festîvala Fîlman a Kobaniyê ya Navdewletî roja şemiyê dê bi beşdariya bi dehan fîlman dest pê bike.
Roja 9ê vê mehê 4emîn Festîvala Fîlman a Kobaniyê ya Navdewletî li bajarê Bochumê yê Almanyayê dest pê dike.
Rêveberê 4emîn Festîvala Fîlman a Kobaniyê ya Navdewletî Cengo Şerîf ji Bochumê beşdarî bultena Rûdawê bû û zanyariyên zêdetir li ser festîvalê da.
Rêveberê 4emîn Festîvala Fîlman a Kobaniyê ya Navdewletî Cengo Şerîf li ser festîvalê got:
“Me îsal festîval kir navneteweyî, ji her aliyên cîhanê fîlm ji me re hatin. Ji 121 dewletan 2 hezar û 165 fîlm ji me re hatin.
Ji wan 48 fîlm hatin hilbijartin û ketina komîteya dadweriyê. Komîteya dadweriyê jî 8 xelat da fîlman.”
Cengo Şerîf herwiha anî ziman:
“Xelateke taybet bi fîlma herî baş a Kurdî dê hebe. Ji bo ku em morala kesên ku sînemaya Kurdî têkildar in bilind bikin me xelata milet jî diyar kiriye ku dê beşdar bi xwe fîlmekê hilbijêrin û wê xelatê bidin.”
4emîn Festîvala Fîlman a Kobaniyê ya Navdewletî dê bi konsereke Hunermend Miço Kendeş dest pê bike.
Miço Kendeş hunermendekî dengxweş ê ji Kobaniyê ye û li Swîsreyê dimîne.
Roja yekem a festîvalê dê ji demjimêr 14:00an heta 20:00an berdewam be.
Roja duyem 10 mehê jî dê xelatên 4emîn Festîvala Fîlman a Kobaniyê ya Navdewletî werin dayîn.
Juriya vê carê ya 4emîn Festîvala Fîlman a Kobaniyê ya Navdewletî ji çêker û derhênerên navdewletî pêk tê ku hinek ji wan li Hollywoodê dixebitin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse