Hewlêr (Rûdaw) - Konfederasyona Sendîkayên Karkeran a Tirkiyeyê (TURK-ÎŞ) amarên hejarî û birçîbûnê yên vê mehê belav kirin.
Li gor amaran li Tirkiye û Bakurê Kurdistanê sînorê birçîbûnê gihîştiye 11 hezar û 658 lîreyan.
Sînorê hejariyê jî ji bo 37 hezar û 974 lîreyan bilind bûye. Bi vê yekê sînorê birçîbûnê 11 hezar û 402 lîre mûçeyê kêmane derbas kir.
Li Tirkiye û Bakurê Kurdistanê ji bo malbatek çar kesî sînorê birçîbûnê gihîştiye 11 hezar û 658 lîre û sînorê hejariyê jî gihîştiye 37 hezar û 974 lîreyan.
Herwiha mesrefa kesekî nezewicî jî mehane gihîştiye 15 hezar û 123 lîreyan.
Li Tirkiye û Bakurê Kurdistanê meha borî sînorê birçîbûnê 10 hezar û 373 lîre bû, sînorê hejariyê jî 33 hezar û 788 lîre bû.
Li gor amarên ku TURK-ÎŞê ji bazarê wergirtine, nirxê hinek pêdiviyên jiyanê yên bingehîn ku di meha Hezîranê de giran bûne wiha ne:
Bihayê şîr û mast wek xwe maye û penîr ji sedî 4 giran bûye, goştê ga di mehekê de ji sedî 6 û mirîşk ji sedî 13 giran bûye.
Herwiha hêk ji sedî 9 giran bûye, birinc ji sedî 8 giran bûye, zeyta zeytûnan ji sedî 30, çay ji sedî 10, zeytûnê reş jî ji sedî 12 giran bûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse