Hewlêr (Rûdaw) - Li Tirkiye û Bakurê Kurdistanê mazot careke din biha bû.
Bi bihayê nû re lîtreyeke mazotê gihişt 37 lîre û 80 quruşî.
Li Tirkiye û Bakurê Kurdistanê bihabûn didome.
Her ku lîreyê Tirkî li beramberî dolar û diravên biyanî bêqîmet dibe, wekî gelek kelûpelên din mazot, gaz û benzîn jî biha dibin.
Li gorî zanyariyên sektora petrolê, şeva borî li seranserê Tirkiye û Bakurê Kurdistanê bihayê lîtreyeke motorînê lîreyekî hat zêdekirin.
Hat ragihandin ku dê biryar îro were cîbicîkirin.
Li gorî bihayê nû li Stenbolê lîtreya mazotê bû 37 lîre û 80 quruş, li Enqereyê bû 38 lîre û 36 quruş û li Îzmîrê jî bû 38 lîre û 52 quruş.
Li aliyê din, niha dolerekî Amerîkî derdora 27 lîre û 20 quruşî ye.
Tê pêşbînîkirin ku dolar heta dawiya salê 30 lîreyî derbas bike.
Bêqîmetbûna lireyê Tirkî jî li bazarên navxwe bihabûnên nû bi xwe re tîne û her ku diçe hêza kirînê kêmtir dibe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse