Hewlêr (Rûdaw) - Hinardekarên dexlûdan ên Bakurê Kurdistanê bi armanca çareserkirina pirsgirêkan û bipêşxistina bazirganiyê tên Herêma Kurdistanê.
Yekîtiya Hinardekarên Berhemên Dexlûdan a Başûrê Rojhilatê Anadoluyê, duh civîna xwe ya rêveberiyê li parêzgeha Mêrdînê ya Bakurê Kurdistanê li dar xist.
Karsazên endamê Yekîtiya Hinardekarên Berhemên Dexlûdan a Başûrê Rojhilatê Anadoluyê dê bi serokatiya Celal Kadooglu bên Dihokê.
Serokê Yekîtiya Hinardekarên Berhemên Dexlûdan a Başûrê Rojhilatê Anadoluyê Celal Kadooglu di civînê de ragihand ku hinartina herêmê, zêdetir bi Herêma Kurdistanê û Îraqê re dibe.
“Bandor herî zêde li Mêrdinê dibe”
Celal Kadooglu da zanîn ku pirsgirêkên bazirganî yên di vê sektorê de herî zêde bandorê li Mêrdînê dikin û got:
“Em hewl didin pirsgirêkan çareser bikin.
Me wekî Yekîtiyê, rapora xwe ya pirsgirêk û çareseriyan amade kir û pêşkêşî Wezîrê Bazirganiyê, Cîgirê Serokkomar û Serokkomar kir.
Me di raporê de nivîsand, `Ji pirsgirêkên li bazara Îraqê tenê encamên aborî dernakevin, eger ev pirsgirêk neyên çareserkirin dê pirsgirêkên sosyolojîk û demografîk derkevin.
Çareserkirina pirsgirêkên hinartinê yên li Îraqê ji bo herêma me mijareke jiyanî ye.”
Li gorî bernameyê, karsazên endamê Yekîtiya Hinardekarên Berhemên Dexlûdan a Başûrê Rojhilatê Anadoluyê dê îro biçin ziyareta Odeya Bazirganî û Pîşesaziyê ya Dihokê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse