رووداو دیجیتاڵ
بەرەبەیانی ئەمڕۆ چین دوو مانگی دەستکردی رەوانەی خولگەی زەوی کرد، کە دەتوانن بە ئاستێکی بەرز وێنەی زەوی بگرن و چاودێریی کەشوهەوا بکەن.
مانگە دەستکردەکان کاژێر 07:39 خولەک بە کاتی نێوخۆی چین، واتە 02:39 خولەک بە کاتی هەولێر، لە ناوەندی جیکوانی هەڵدانی مانگە دەستکردەکان لە باکووری رۆژئاوای چین هەڵدران.
دوو مانگە دەستکردەکە لە رێگەی مووشەکی (لۆنگ مارچ 2 سی)ی چینییەوە نێردران.
مانگە دەستکردەکان لە لایەن دامەزراوەی زانست و تەکنەلۆجیای بۆشایی ئاسمانیی چینەوە دروستکراون و راداری ئاست بەرزیان تێدایە کە دەتوانن بە درێژایی رۆژ، چاودێریی کەشوهەوا بکەن و بە روونییەکی بەرزەوە، وێنەی گۆی زەوی بگرن، بۆئەوەی بۆ مەبەستی گەڕان بەدوای سەرچاوە سرووشتییەکان، پاراستنی ئاساییشی شار، کاروباری دەریاگەری و بەڕێوەبردنی فریاگوزارییەکان سوودی هەبێت.
مووشەکی (لۆنگ مارچ 2 سی) لەلایەن (ئەکادیمیای چینی بۆ تەکنەلۆجیای مووشەک) بەرهەمهێندراوە. مووشەکەکە بە سووتەمەنیی شل پاڵی پێوەدەنرێت و بە شێوەیەکی سەرەکی بۆ گەشتکردن بۆ خولگەی نزمی زەوی بەکاردەهێندرێت.
ئەمە 547ـەمین گەشت بوو لە رێگەی مووشەکەکانی لۆنگ مارچەوە بکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ