82 کەس بەهۆی زریانەوە لە فلیپین گیانیان لەدەستدا

25-10-2024
رێبەر حوسێن
A+ A-
 
رووداو دیجیتاڵ

بەرپرسانی فلیپین دەڵێن، لە ئەنجامی زریان و لافاو لانیکەم 82 کەس لەو وڵاتەی ئاسیا گیانیان لەدەستداوە، 320 هەزار کەسی دیکەش ناچار بە چۆڵکردنی خانوو و شوێنی مانەوەیان کراون.
 
رۆژی چوارشەممە 23-09-2024 ئاژانسی کەشوهەوای فلیپین بڵاویکردەوە، زریانێک کە خێرایی باکەی 95 کیلۆمەترە لە کاژێرێکدا، باکووری وڵاتەکەی گرتووەتەوە و بووەتە هۆی دروستبوونی لافاو و رۆچوونی زەوی؛ ئەمڕۆ خێرایی با گەیشتە 410 کیلۆمەتر لە کاژێرێکدا.
 
زریانەکە بووەتە هۆی دروستبوونی لافاو و ئەویش کاریگەریی لەسەر 2.6 ملیۆن کەس دروستکردووە.
 
بەگوێرەی بەرگریی شارستانیی فلیپین، لانیکەم 82 کەس گیانیان لەدەستداوە، لەنێویاندا 26 کەسیان دانیشتووی یەک گوند بوون؛ هەروەها 27 کەسیش بێسەروشوێنن.
 
ئەمڕۆ هەینی 25-10-2024 پۆلیس رایگەیاند، تەنیا ئەمڕۆ لە ناوچەی بەتانگاس لە باشووری شاری مانێلای پایتەخت 49 کەس لە ئەنجامی رۆچوونی زەوی گیانیان لەدەستداوە و 11 کەسی دیکەش بێسەروشوێن بوون.
 
هەر ئەمڕۆ بەهۆی کاریگەریی زریانەکەوە 36 گەشتی ئاسمانی هەڵوەشانەوە.
 
دۆخەکە بووە هۆی ئەوەی حکومەت بۆ سێ رۆژ پشووی قوتابخانەکان رابگەیێنێت.
 
فلیپین دەکەوێتە نێوان زەریای هێمن و دەریای باشووری چین و ساڵانە نزیکەی 20 زریان وڵاتەکە دەگرنەوە.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

  لێقەوماوانی بوومەلەرزەکەی میانمار پێویستیان بە هاوکاری مرۆییە.

لێقەوماوانی بوومەلەرزەکەی میانمار بۆ وەرگرتنی خۆراک نۆرە دەگرن

لێقەوماوانی بوومەلەرزەکەی هەینی رابردووی شاری ماندالای میانمار بۆ وەرگرتنی خۆراک نۆرە دەگرن. ئەوان ئاوارەی شاری زاگانگ بوون کە 24 کیلۆمەتر لە ماڵەکانیانەوە دوورە. دەڵێن، رۆژ بە رۆژ حاڵیان خراپتر دەبێت.