ئەو گەنجە دەتوانێت بە 46 زمان قسە بکات.
رووداو دیجیتاڵ
مەحموود ئەکرەمی، گەنجێکی هیندییە و 400 زمان دەزانێت. ژمارەیەکی زۆر فێرخوازیشی هەن. ئەو لە تەمەنی چوار ساڵییەوە دەستی بە فێربوونی زمانەکان کردووە.
مەحموود ئەکرەم، لەبارەی فێربوونی زمانەکانەوە باس لەوە دەکات، "فێربوونی زمانەکان قورسە و کارێکی ئاسان نییە. ئەگەر کەسێک زیاد لە دوو یان سێ زمان بزانێت، ئەوا وەکو ئەوە وایە دوو بۆ سێ شارەزایی و سپۆری هەبێت."
ئەو دەتوانێت بە باشی بەو 400 زمانە بنووسێت و بخوێنێتەوە، بەڵام قسە بە 46ـیان دەکات.
لەنێو ئەو زمانانەی دەیزانێت، چینی، رووسی، ژاپۆنی، ئیسپانی، ئینگلیزی، چیکی و چەندین زمانی دیکە هەن.
مەحموود ئەکرەم دەیەوێت ناوی بچێتە کتێبی گینس و دەڵێت، "پیاوێکی تەمەن 58 ساڵ هەیە و دەڵێت، دەتوانم بە 58 زمان قسە بکەم و ناوی چووەتە کتێبی گینس بۆ ژمارە پێوانەییەکان. ئێستا دەتوانم بە 46 زمان قسەبکەم و دەمەوێت ئەو تێپەڕێنم".
بە گوتەی مەحموود، باوکیشی زمانەوانێکی گەورەی وڵاتەکەی بووە و توانیویەتی بە 16 زمان قسە بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ