لە گینیا حەوت کچە قوتابی لە رێگەیاندا بۆ تاقیکردنەوە خنکان

 

رۆژی دووشەممە 5-6-2023، وەزارەتی پەروەردەی گینیا بڵاویکردەوە، 7 کچە قوتابی بۆ گەیشتنیان بە قوتابخانە ویستوویانە بە رووباری نایجەردا لە باکووری رۆژهەڵاتی گینیا بپەڕنەوە، بەڵام بەلەمەکەیان ژێرئاو کەوتووە و خنکاون.

 

گوڵام هاوینگ، وەزیری پەروەردەی گینیا بە رۆژنامەڤانانی گوت، "بەم هەواڵە ناخۆشە، تاساوین".

 

مامەدی کیتا، هاووڵاتییەکی گینیایی کە بە گوتەی خۆی زڕخوشکێکی لە رووداوەکەدا گیانی لەدەستداوە دەڵێت، خوشکەکەی و هاوڕێکانی ویستوویانە بچنە ئەوبەری رووباری نایجەر، تاوەکو بەشداری لە تاقیکردنەوەی وەرگرتنیان بکەن.

 

قوتابییەکان سواری بەلەمێکی بچووکی دارین بوون، بەڵام لەنێو رووبارەکەدا بەهۆی زۆریی ژمارەی سەرنشینەکانەوە بەلەمەکە قڵپووەتەوە و هەر حەوت قوتابییەکە خنکاون.

 

بەگوێرەی شایەدحاڵەکان، خەڵکی دیکەش لە بەلەمەکەدا هەبوون و تاوەکو ئێستا نازانرێت ماون یان ئەوانیش خنکاون.

 

گینیا وڵاتێکی ئەفریقییە و دەکەوێتە رۆژئاوای ئەو کیشوەرە؛ بە سەوزایی زۆر، شاخی بەرز و رووبەرێکی گەورەی ژیانی کێوی ناسراوە؛ ژمارەی دانیشتووانەکەی نزیکەی 14 ملیۆن کەسە.