رووداو دیجیتاڵ
بۆرووسیا دۆرتموند، لە یارییەکی دراماتیکیدا، دەرفەتی یەکسانکردنەوەی خاڵەکانی لەگەڵ بایرن میونشنی رکابەری لەدەستدا و 2 خاڵی گرنگی بەهەدەرچوو.
لە گەڕی 28ـی خولی ئەڵمانیدا، شتوتگارت میوانداری بۆرووسیا دۆرتموندی کرد و بە 10 یاریزان و لە کاتی کوشندەدا یەکسانبوونێکی بەنرخی بەسەر دۆرتمۆنددا سەپاند.
شتوتگارت لە یارییەکەدا دووجار توانی لە دواکەوتن لە ئەنجامەوە بگەڕێتەوە سەر یەکسانبوون. سەرەڕای دەرکردنی یەکێک لە یاریزانەکانی بە کارتی سوور.
لە نیوەی یەکەمدا سیباستیان هالەر و دونیایێل مالێن لە خولەکەکانی 26 و 33ـدا دوو گۆڵیان بۆ تیپی میوان تۆمارکرد.
لە نیوەی دووەمدا، تیپی خاوەن یاریگە لە خولەکەکانی 78 و 84ـدا لە رێگەی هەردوو یاریزانەکەی تانجوی كۆليبالی و جۆشا فاگنومان دوو گۆڵی تۆمارکرد و ئەنجامەکە بووە 2-2.
لە خولەکی 2ـی کاتی زیادکراودا، جیۆڤانی ریێنا گۆڵی سێیەمی دۆرتموندی تۆمارکرد و هاندەرانی ئەو یانەیە وایانزانی سێ خاڵی یارییەکەیان بەدەستهێناوە، بەڵام لە خولەکی 7ـی زیادکراودا سيلاس وامانگيتۆكا هەمووانی شۆککرد و گۆڵی یەکسانبوونی بۆ شتوتگارت تۆمارکرد.
بۆرووسیا دۆرتموند بووە خاوەنی 57 خاڵ لە پلەی دووەمی ریزبەندی، لە کاتێکدا شتوتگارت بە 24 خاڵ پلەی 16ـی ریزبەندیی بوندێسلیگای گرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ