رووداو دیجیتاڵ
لیۆنێل مێسی، ئەستێرەی ئەرجەنتینی و یانەی پاریس سانجێرمانی فەرەنسی کەریم بنزیما بۆ بردنەوەی باڵۆن دۆری ئەمساڵ بەربژێر دەکات و دەڵێت " هیچ گومانێک نییە بۆ بەدەستهێنانی خەڵاتەکە لەلایەن یاریزانەکەوە."
مێسی کە خاوەنی 7 باڵۆن دۆرە و لە دوای 17 ساڵ یەکەمجارە بۆ بردنەوەی باڵۆن دۆر بەربژێر نەبێت لەلێدوانێکدا گوتی " بۆ ئەمساڵ هیچ گومانێک نییە، روونە کە بنزیما وەرزێکی نایابی بەڕێکردووە."
لیۆ زیاتر گوتی " بنزیما چامپیۆنزلیگی بردووەتەوە، لە دوای قۆناخی 16ـەوە رۆڵێکی کارای بینی و لە هەموو یارییەکاندا، لە راستیدا بۆ ئەمساڵ هیچ گومانێک لەسەر خەڵاتەکە نییە."
ئەستێرە ئەرجەنتینییەکە هێشتا گوتی " لەگەڵ ئامارە باشەکانی لە چامپیۆنزلیگدا، بەبێ هیچ گومانێک بنزیما باشترینی خولی ئیسپانیاش بوو لە وەرزی رابردوو."
کەریم بنزیما وەرزی رابردوو نازناوەکانی لالیگا و چامپیۆنزلیگی لەگەڵ یانەکە بردەوە و بووە گۆڵکاری هەردوو خول و پاڵەوانێتییەکە و بەو هۆیەشەوە بەربژێری یەکەمە بۆ بردنەوەی خەڵاتی باڵۆن دۆر بۆ یەکەمجار لە مێژوویدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ