رووداو دیجیتاڵ
یانەی ئارسیناڵی ئینگلیزی بەشێوەیەکی فەرمی گواستنەوەی یاریزانی سوێدی و بەڕەچەڵەک عێراقیی بۆ یانەکەی راگەیاند.
یانەی ئارسیناڵ لەسەر لاپەرەی فەرمی گواستنەوەی روسول رۆزا خەفاجی، یاریزانی بە رەچەڵەک عێراقیی بۆ یانەکەی راگەیاند و نووسیوویەتی "دڵخۆشین بە گواستنەوەی هێرشبەری نێودەوڵەتی سوێدی رۆزا خەفاجی بۆ یانەکەمان."
یاریزانەکە لە ڤیدیۆیەکی تایبەتدا دەرکەوت، واژۆی لەسەر گرێبەستەکەی لەگەڵ یانەی ئارسیناڵ کرد و درێسی ژمارە 16ـی وەرگرت.
رۆزا لە 5-7-2003 لە ستۆکهۆڵمی پایتەختی سوێد لە دایکبووە، دایک و باوکی خەڵکی عێراقن و
یاریزانەکە لە هێڵی پێشەوە یاری دەکات، پێستر لە یانەی ئایک یارییکردووە، دوای ئەوە چووەتە یانەی هاکن.
رۆزا خەفاجی لە تیپە جیاوازەکانی سوێد یارییکردووە، ئێستا یاریزانی هەڵبژاردەی یەکەمی سوێدە، لە 9 یارییدا بەدرێسی هەڵبژاردەکەوە گۆڵێکی تۆمارکردووە.
پێشتر یانەکانی بارسێلۆنا و ریال مەدرید رکابەرییان لەسەر گواستنەوەی یاریزانەکە دەکرد، بەڵام ئارسیناڵ لە بەدەستهێنانی تواناکانی ئەو یاریزانەدا سەرکەوتوو بوو و گرێبەستەکەی لە بەرژەوەندی خۆی یەکلاکردەوە.
From playing on the streets of Stockholm to the carpet of north London 🏡 pic.twitter.com/KGnskrqbER
— Arsenal Women (@ArsenalWFC) August 13, 2024
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ