ڤیدیۆ؛ ریال سۆسیداد پێشەنگیی لالیگای لە ریال مەدرید وەرگرتەوە

 

یانە باسکییەکە، لەسەر یاریگەی ئیل سادار بووە میوانی ئاساسۆنا و بە زەحمەت 2-0 لێیبردەوە.

 

تیپی خاوەن یاریگە توانی تاوەکو خولەکی 72 خۆڕاگر بێت و ئەنجامەکە بەبێ گۆڵ بهێڵێتەوە، تاوەکو میکێل میرینۆ توانی گۆڵی پێشکەوتن بۆ ریال سۆسیداد تۆماربکات.

 

لە خولەکی 82 ناوبژیوان لێدانێکی سزای بۆ تیپی میوان هەژمارکرد و عەدنان یانۆزای سەرکەوتووانە جێبەجێیکرد و گۆڵی دووەم و دڵنیایی بۆ یانەکەی باسک تۆمارکرد، یارییەکە بەو ئەنجامە کۆتاییهات.

 

ریال سۆسیداد ژمارەی خاڵەکانی گەیاندە 28 خاڵ و گەڕایەوە پێشەنگی ریزبەندیی، ئۆساسۆناش کە ئەمە دووەم دۆڕانی بوو بەسەریەکەوە، 19 خاڵی هەیە و پلەی حەوتەمی گرتووە.