رووداو-هەولێر
چاوەڕوانییەکان کۆتاییانهات و بەشێوەیەکی فەرمی لیۆنێل مێسی ئەرجەنتینی خەڵاتی باڵۆندۆری بەدەستهێنا.
لە هۆڵی شاتلیێ لە پاریس، رێوڕەسمی خەڵاتەکانی باڵۆندۆر بە بەشداری چەندین ئەستێرەی گەورەی جیهان بەڕێوەچوو، لە گرنگترین بۆنەی ئاهەنگەکەدا لیۆنێل مێسی ئەرجەنتینی بووە براوەی خەڵاتی باڵۆندۆری پیاوان و بەسەر ڤێرجل ڤان دایک و محەممەد سەڵاحدا سەرکەوت.
لە ئاهەنگەکەدا کریستیانۆ رۆناڵدۆی پۆرتوگالی ئامادەنەبوو، کە بەهەمان شێوەی رێوڕەسمی خەڵاتەکانی زەبێست دوای ئەوەی پێیانگوتبوو کە ناوی لە سێ بەربژێرەکەی کۆتایی نییە.
سەرەتای ئاهەنگەکە بەوە دەستیپێکرد کە هەرسێ براوەکەی ساڵی رابردووی باڵۆندۆر، لەسەر ئاستی پیاوان، لاوان و ئافرەتان ( لوکا مۆدریچ، کیلیان ئێمباپێ و ئادا هێگەربێرگ) هاتنەسەر ستەیج و هەریەکەیان گوتارێکیان پێشکەشکرد.
باڵۆن دۆری 2019:-
لیۆنێل مێسی دوای ئەوەی لەگەڵ یانەی بارسێلۆنا بووە پاڵەوانی لالیگا، نازناوی پیچیچی بەدەستهێنا و نازناوی پێڵاوی زێڕینیشی وەک گۆڵکەری پێنچ خولە گەورەکەی ئەوروپای بردەوە، لە رووی تاکەەکسییەوە ئاستێکی بێوێنەی هەبوو، لە زۆربەی یارییەکان هۆکاری سەرکەوتنی یانەکەی بوو.
مێسی لە ساڵی 2019
54 یاری
46 گۆڵ
17 ئاسیست
لێدوانی مێسی دوای وەرگرتنی خەڵاتەکە: سوپاس بۆ هەمووتان، سوپاس بۆ ئەوانەی دەنگیان بەمندا، ئەم ساتە وەسف ناکرێت، بیرمدێتەوە کە بەر لە 10 ساڵ لە پاریس ئەم خەڵاتەم بردەوە، ئێستاش لەهەمان شوێن هەمان خەڵات دەبەمەوە.
مێسی: پێش 10 ساڵ لەگەڵ سێ براکەمدا هاتم بۆ پاریس، ئەمڕۆ شەشەم نازناوم بردەوە و ساتێکی زۆر تایبەتە لە ژیانمدا و لە ژیانی تاکەکەسیشمدا، من لە خەونەکانم ناوەستم و بەردەوام دەبم گەشەسەندن و باشتربوون.
خەڵاتی کۆپا بۆ باشترین یاریزانی لاو:-
ماتیاس دیلیختی یاریزانی یانەی یوڤێنتوس خەڵاتی کۆپای بردەوە، دوای ئەوەی لە وەرزی رابردوو لەگەڵ یانەی ئایاکس ئاستێکی سەرسوڕهێنەری پێشکەشكرد و بووە جێگەی سەرنجی میدیا و یانەکانی جیهان، ئەوەبوو یانەی یوڤێنتوس گرێبەستی لەگەڵ واژۆکرد، لەگەڵ یانەکەیدا بووە پاڵەوانی خولی هۆڵەندی و جامی هۆڵەندا و لەگەڵ هەڵبژاردەکەیشدا گەیشتە فایناڵی جامی نەیشنلیگ.
خەڵاتی یاشین بۆ باشترین گۆڵپارێز:-
ئەلیسۆن بیکەری گۆپارێزی بەتوانای یانەی لیڤەرپوولی ئینگلیزی یەکێک بوو باشترین و کاریگەرترین گۆڵپارێزەکانی جیهان، یارمەتی یانەکەیدا بۆ بردنەوەی چامپیۆنزلیگ، دووەمی پرێمەرلیگ، پاڵەوانی سووپەری ئەوروپا، پاڵەوانی کۆپا ئەمریکا, خەڵاتی زەبێستی وەک باشترین گۆڵپارێزی جیهان بەدەستهێنا، باشترین گۆڵپارێزی پرێمەرلیگ، باشترین گۆڵپارێزی چامپیۆنزلیگ و چەندین دەستکەوتی دیکەی تاکەکەسی.
باشترین یاریزانی ئافرەتان:-
مێگان راپینۆ، ئەستێرەی هەڵبژاردەی تۆپی پێی ئەمریکا دوای ئەوەی لەگەڵ هەڵبژاردەکەی بوونە پاڵەوانی جامی جیهانی ئافرەتان 2019، هەروەها باشطرین یاریزانی مۆندیال، گۆڵکەری مۆندیال و باشترین یاریزانی جیهان زەبسێت 2019.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ