رووداو دیجیتاڵ
نۆڤاک جۆکۆڤیچ، ئەستێرەی بەنێوبانگی تێنسی سێربیا و هاوژینەکەی لە ڤایرۆسی کۆرۆنا رزگاریان بوو.
جۆکۆڤیچ دوای ئەوەی دوو هەفتە لەمەوبەر رایگەیاند، لەگەڵ یێلینای هاوژینی تووشی کۆرۆنا بووە، ئەمڕۆ بۆ جاری دووەم لە بەلگراد پشکنینی پی سی ئاریان ئەنجامدا و ئەنجامی پشکنینەکان نەرێنی گەڕانەوە، بەمەش یاریزانەکە و هاوژینەکەی لە کۆرۆنا رزگاریان بوو.
لە بەیاننامەیەکدا تیمی میدیایی جۆکۆڤیچ دووپاتیدەکاتەوە کە ئەو یاریزانە تەندروستیی زۆرباشە و هیچ ئاماژەیەکی کۆرۆنا لە لەشیدا نەماوە.
جۆکۆڤیچ بەهۆی رێکخستنی پاڵەوانێتییەکی دۆستانە لە شاری بەلگرادی سێربیا و زاداری کرواتیا بووە هۆکاری ئەوەی، هەریەکە لە گریگۆر دیمیترۆڤی بولگاری، ڤیکتۆر ترۆیسکی و بورنا کۆریچ، لەگەڵ خۆی، هاوژینەکەیی و راهێنەرەکەشی تووشی کۆرۆنا ببن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ