لیلیا ساڵی 1992 لە شاری چێرکاسی وڵاتی ئۆکراینا لەدایکبووە و دەرچووی بەشی یاسایە لە زانکۆی بۆغدانا خمێلنیتسکۆهۆی شاری چێرکاسی ئۆکراینا.
لیلیا ساڵی 1992 لە شاری چێرکاسی وڵاتی ئۆکراینا لەدایکبووە و دەرچووی بەشی یاسایە لە زانکۆی بۆغدانا خمێلنیتسکۆهۆی شاری چێرکاسی ئۆکراینا.
لاس هاوار دیزاینەرێکی کوردە و زیاتر لە 10 ساڵە لە میلانی ئیتاڵیا کار دەکات، بە سەردانێکی کاتی لە کوردستانە. دەڵێت، لە 2025 بۆ 2026 ئەوەی ترێندە رەنگی سارد و گەرم تێکەڵکراون. بۆ نموونە، مارۆنی لەگەڵ سلڤەر یان سپی. "بۆ 2027ـیش باوەڕ ناکەم گۆڕانکاری بەسەردا بێت."
پسپۆڕێکی ژینگە لەبەردەم کامێرای رووداو بە سێ ئامێری تایبەت بە پێوانی پیسبوونی هەوا، هەوای 6 شوێنی جیاوازی لە دوو کاتی جیاوازدا گرت.
دەرزیی ئاژنین یەکێکە لە شێوازەکانی چارەسەری سرووشتی، ئێشی ئەوەندە کەمە بە ئەستەم هەستی پێدەکرێت، هەر کە ئاماژەی ناردە دەمارەخانەکان و مێشک، وەڵامی پێویست دەداتە جەستە و ئازاری ماسوولکەکان کەمدەکاتەوە.
فیلمی "شاردنەوەی سەدام" چیرۆکی دڵگیری عەلا نامیق دەگێڕێتەوە، کە توانی 235 رۆژ سەدام حوسێن لە چاڵێکدا بشارێتەوە، لە کاتێکدا 150 هەزار سەربازی ئەمریکی بە دوایدا دەگەڕان.
خواردنەوەی چای گەرم لە هاویندا کاتێک پلەی گەرما لە سەرووی 40 پلەی سیلیزییەوە، رەنگە لە زۆر شوێنی جیهان سر بێت، بەڵام لە هەرێمی کوردستان و عێراق، پلەی گەرما لە سەرووی 50 پلەی سیلیزیشەوە بێت، چا ئەو خواردنەوە دڵخوازەیە کە خەڵک لێی دەستبەردار نابن.
ئەو باخەوانە، کە زیاتر لە هەشت ساڵە خەریکی سەوزکردنی ماڵەکەیەتی دەیەوێت پەیامە ژینگەییەکە بە هەمووان بگەیێنێت، دەڵێ "دوو دار بچێنە. ئەگەر منداڵی خۆتت خۆشدەوێت، دوو دار و دوو گوڵ بچێنە بۆ ئەوەی دڵی خێزانەکەت خۆش بێت."
هونەرمەند هۆزان جانێ، بۆ چەند پڕۆژە و کارێکی هونەری و ئامادەبوون لە دادگە، ئێستا لە کوردستانە و دەڵێت، دۆسییەی دادگاییکردنی جانی حەیران لە هەمبەر بەکارهێنانی ناو و هونەرەکەی، بۆ مانگی داهاتوو دواخرا.
پەیامنێری رووداو برنجی کوردی و هاوردە لێدەنێت و جیاوازییەکەیتان پێدەڵێت
لە 16یەمین پێشانگەی نێودەوڵەتیی کتێب لە هەولێر 300 هەزار ناونیشانی کتێب لەڕووی وێنە، دیزایین، بە مانا و نێوەڕۆکەوە نمایش کراون. منداڵە بچووکەکان بەدوای ئەو کتێبانەدا دەگەڕێن کە وێنەکانیان دڵڕفێنە، مێرمنداڵانیش بابەتی ناوازە و جێگەی سەرنج بۆ تەمەنی خۆیان هەڵدەبژێرن.
حەوتەمین فێستیڤاڵی نێودەوڵەتیی زمان، کولتوور و زانستی زانکۆی تیشک بەڕێوەچوو، کە پێکهاتبوو لە حەوت بەشی جیاواز لە چالاکیی هونەری، کاری دەستی، ئەسپسواری، خۆراک و یاری
رۆژانە زیاتر لە دوو هەزار تۆن خۆڵ و خاشاک لە زبڵخانەکان فڕێدەدرێت. 31.5%ـی ئەو پاشمەوەیە، خۆراکە، واتا رۆژانە لە پارێزگەی هەولێر و دەروبەری نزیکەی 600 تۆن خۆراک بەفیڕۆ دەڕوات.
مام نەبەز لەبارەی یاریی خەڵاتەکان دەڵێ "ئەمساڵ 96 تیپمان بەشداری پێکردووە، دیاریی زۆر باشمان بۆ شاری هەولێر داناوە. چوار خەڵاتم داناوە، یەکەمیان سێ مۆبایلی ئایفۆن 15ـی پرۆماکس، دووەم سێ ئایفۆن 14 و سێیەمیشیان سێ بلیت بۆ دوبەی، چوارەمیشیان سێ مۆبایلی ئاساییە. ئێمە لە یەکی رەمەزان بۆ 30 رەمەزان بەردەوام دەبین."
نێرگز جوانییەکی دیکەی پێشکێش بە سرووشتی کوردستان کردووە؛ هاوکات مانای تەواوبوونی وەرزی سەرما و سۆڵە و هاتنی وەرزی بەهارە
ژنێک لە هەولێر 800 دەستە جلی کوردیی هەیە، دەڵێ خۆی جلەکانی کڕیوە و دەیەوێت لەو رێگەیەوە کولتووری کوردی بپارێزێت، ئەو لە ماڵەکەی خۆیەوە قسەی بۆ رووداو کرد و گوتی کراسی کوردیی ئێستا نیوەی کراسی کوردیی کۆن، قوماشی پێویستە.
لە هەرێمی کوردستان بە گوێرەی داتای وەزارەتی پەروەردە، 48 قوتابخانەی حکومی هەن کە بە زمانی سریانی دەخوێنن و 18 قوتابخانەی حکومی کە بە زمانی تورکمانی دەخوێنن.
15 هەزار دۆلار لەنێو سندووقێکی پەمەیی لە دووکانێکی گوڵفرۆشی لە هەولێر، وەک دیاری بۆ رۆژی ڤالانتاین ئامادەکرا، بۆ ئەوەی نەریتەکەش نەشکێندرێت، پارەکە لەگەڵ گوڵ دەخەنە نێو سندووقێکەوە.
رووداو لە کوالێتیی خاوێنکردنەوەی کەرەستەکانی جوانکاریی ئارایشتگەکان دەکۆڵێتەوە و ئارایشتکارێک دەڵێت:زۆرینەی ئارایشتگەکان کەلوپەلەکانیان پاکژناکەنەوە و کەرەستەکانی جوانکاریی دەستەکان وەک پێویست خاوێن ناکرێنەوە.
شەوی 24 مانگ ئێوارەی کریسمسی کریستیانەکانە، لە کوردستانیش هاوشێوەی وڵاتانی دیکە کریستیانەکان لە کەنیسە و ماڵەکانیان کۆدەبنەوە، بە خواردن دروستکردنی کولیچە و سەروپێ و ئامادەکارییەکانی دیکەوە سەرقاڵ دەبن، هەروەکو جەژنی موسڵمانان ئەوانیش سەردانی کەسوکار و دراوسێکانیان دەکەن و گەردن ئازادی دەکەن.
لە چەند ساڵی رابردوو لە هەرێمی کوردستان سوارچاکی و وەرزشی ئەسپسواری لەلایەن گەنجانەوە بایەخی زۆری پێدەدرێت، بۆ ئەو مەبەستەش چەندین فێرگەی ئەسپسواری کراونەتەوە، راهێنەرێکی ئەو وەرزشەش دەڵێت، ئەسپسواری گوشاری دەروونی کەمدەکاتەوە.
سەرەڕای یاساکانی هاتووچۆ بەڵام بەشێکی هاووڵاتییان پشتگوێیان دەخەن و ژیانیان دەخەنە مەترسییەوە کاتێک لە هەندێک شوێندا کە پردی پەڕینەوە هەیە، لەژێر پردەکاندا بە پیادە دەپەڕنەوە.
ئاناستاسیا، کچێکی 11 ساڵی خەڵکی شاری چێرکاسی ئۆکراینایە. پێش جەنگ، لەگەڵ دایکی هاتوونەتە هەرێمی کوردستان و نزیکەی 3 ساڵە لە هەولێر دەژین. ئاناستاسیا سەرەڕای دووری لە وڵات و خەڵکی خۆی، بەڵام حەز و خولیای بۆ فێربوونی زمانەکان وایکردوو، بەشێکی زۆری کاتەکانی ژیانی بۆ فێربوونی 6 زمان تەرخان بکات.
پرۆژەی وێستگەی پاڵاوتنی ئاوی ئیفراز سێ لە هەولێر 15 ساڵ لەمەوبەر دروستکراوە؛ تێچووی پرۆژەکە گەیشتووەتە چەندین ملیار دینار. رۆژانە 240 ملیار لیتر ئاوی رووباری زێی گەورە دەچیتە ناو وێستگەی ئاوەکە، بە یارمەتیی بەهێزترین پاڵێوەری مۆدێرن و مادەی کیمیایی بە پێنج قۆناخ بۆ پرۆسەی پاککردنەوە و تەعقیمکردن ئامادە دەبێت
سەنتەری پێشانگە نێودەوڵەتییەکان فێستیڤاڵی پایزی بۆ بازاڕکردن و گەڕانەوە بۆ قوتابخانە رێکخست. کۆمپانیاکانی تایبەت بە کەلووپەل و پێداویستییەکانی قوتابخانە یەکەم جارە لەو فێستیڤاڵەدا بەشدارییانکردووە و کڕیارێکی زۆر رووی تێکردوون.
لە گەرمای نزیکەی 40 پلەی سیلیزیی هاوین و لەسەر قیرێکی کوڵاو، لەنزیک تەنەکەی خۆڵدا، هاونیشتمانییان لەسەر شەقامەکانی هەولێر چاوەڕێی پاسن؛ بەشێک لە هاونیشتمانیان بۆ خۆپاراستن لە تیشکی بەتینی خۆر کارتۆن بە جامی ئۆتۆمبێلەکاندا هەڵدەواسن
سەنتەری پێشانگە نێودەوڵەتییەکان فێستیڤالی پاییزی بۆ بازاڕکردن و گەڕانەوە بۆ قوتابخانە رێکخست. کۆمپانیاکانی تایبەت بە کەلوپەل و پێویستییەکانی قوتابخانە یەکەمجارە لەو فێستیڤاڵەدا بەشدارییان کردووە و جمەیان دێت لە كڕیار
لیلیا میراوتسا پەیامنێرە ئۆکراینییەکەی تۆڕی میدیایی رووداو کێیە؟
لیلیا ساڵی 1992 لە شاری چێرکاسی وڵاتی ئۆکراینا لەدایکبووە و دەرچووی بەشی یاسایە لە زانکۆی بۆغدانا خمێلنیتسکۆهۆی شاری چێرکاسی ئۆکراینا.
هاوژینەکەی خەڵکی شاری هەولێری باشووری کوردستانە و بەمەبەستی خوێندن رووی لە ئۆکراینا کردووە، ئەوەش دەستپێکێک بووە بۆ یەکدی ناسینیان.
لیلیا میراوتسا لە ئۆکراینا 6 ساڵ پارێزەری کردووە، دواتر بەهۆی پێکهێنانی ژیانی هاوژینی و گەڕانەوەی هاوژینەکەی بۆ کوردستان لە ساڵی 2019 هاتووەتە هەولێر.
پەیوەندیی لیلیا لەگەڵ تۆڕی میدیایی رووداو دەگەڕێتەوە بۆ گەرمەی شەڕی ئۆکراینا و رووسیا، کاتێک ساڵی 2021 بەهۆی شەڕ، نەیتوانی بۆ سەردان بگەڕێتەوە ئۆکراینا و ئاگاداری دۆخی بنەماڵەکەی نەبوو.
لیلیا لە ساڵی 2023وە بووەتە پەیامنێری تۆڕی میدیایی رووداو. حەز و خولیایەکی بێ وێنەی بۆ فێربوونی زمانی کوردی و ئاشنایەتی بە کوردستان هەیە.
زۆر بەڕژدی هەوڵدەدات زمانی کوردی بە نووسین و خوێندنەوە فێربێت و بە روانگەیەکی ئۆکراینی بەڵام بەزمانی کوردییەوە، هەواڵی پڕزانیاری، نوێ و سەرنجڕاکێش بگەیێنێتە بینەر، بیسەر و خوێنەرانی تۆڕی میدیایی رووداو.
