هەڵەیەک روویدا! دووبارە هەوڵبدە
.
رووداو دیجیتاڵ
لە چوارچێوەی هەڵمەتە بەردەوامەکانی بۆ ژینکەی کوردستان، دەزگای روانگە هەستا بە چاندنی 100 دار زەیتوون لە باخچەی شاری زەیتوون پڵەس.
گۆڤار حارس، بەڕێوەبەری راگەیاندنی دەزگای روانگە دەڵێت: عێراق یەکێکە لە پێنجەمین وڵات کە بەر گۆڕانی کەشوهەوا کەوتووە، بۆیە ئێمە وەکو دەزگای روانگە خۆمان بە بەرپرس دەزانین دەست بە هەڵمەتی چاندنی دار بکەین و ئاگامان لە ژینگەبێت لە رێگەی بڵاوکردنەوەی هۆشیاریی کۆمەڵایەتی و هۆشیاریی ژینگەیی لەلای منداڵان.
جگە لە پاککردنەوەی ناوچەکە لە تۆز و خۆڵ، درەختەکان سێبەرێکی بە رووبەری شەش هەزار مەتر چوارگۆشە دروست دەکەن. بۆیە دانیشتووانی ناوچەکە پشتگیری لەو پڕۆژەیە دەکەن.
شوان موسا ،دانیشتووی زەیتوون: بەبێ باخچە ئەو ژینگەی دروست نەبێت کە هەر کەسێک دەیەوێتن. بۆ نموونە کە سەیری کۆلانەکان دەکەی خانوو بەرامبەر خانوو و هەمووی 10 داری تێیدە نییە. ئەوە شتێکی زۆر زۆر خراپە. بەلام ئەگەر سەیری بکەین ئەو پرۆژانەی کە هەن و رێژەیەکی سەوزەی زۆر دابین بکەن. بەلام کە شوێنێک دەستنیشان دەکرێت بۆ رێژەی سەوزی، سەوزەی لێی بچێندرێت نەک بە بەتاڵی بەجێی بهێندرێت.
دەزگای روانگە لە ساڵی 2013 دامەزراوە و تائێستا 365 هەزار داری لە هەرێمی کوردستان چاندووە. لە بواری ژینگه‌پارێزیشدا، دەستپێشخەرییەکانی روانگه پڕۆژه‌ی داهێنه‌رانه له‌خۆده‌گرن بۆ پاراستنی ژینگه‌ی هه‌رێمی کوردستان و سنووردارکردنی زیانه‌کانی گۆڕانی که‌شوهه‌وا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ