فیچەر - حیسام لوڕنەژاد 110 گۆرانی بە کوردی و فارسی گوتووە

ماڵی میوزیکی زەهاوی حیسام لوڕنەژادی بۆ کۆنسێرتێک لە سلێمانی بانگهێشتکرد، حیسام هونەرمەندێکی دیاری رۆژهەڵاتی کوردستانە و کوڕی هونەرمەند حیشمەتوڵڵا لوڕنەژادە. حیشمەتوڵڵا لە نیوەی دووەمی سەدەی رابردوو گۆرانی گوتووەو زیاتر لە 200 بەرهەمی هەیە.
 
حیشمەتوڵڵا، گۆرانی (کۆرپەی شیرینم)ی بۆ حیسامی کوڕی گوتووە، حیسام درێژە پێدەری باوکییەتی و دوای کۆچیدوایی باوکی دەستی بە گۆرانی گوتن کردووە.
حیسام لە ساڵی 1977 لەدایکبووە. لە تاران گەورەبووەو تاوەکو بیستەکانی تەمەنی کوردی نەزانیوە، بەڵام دواتر خۆی فێری کوردی دەکات.
 
حیسام لوڕنەژاد 110 بەرهەمی بەشێوەزارە جیاوازەکانی کوردی و هەروەها زمانی فارسی هەیە.