یاسای چەک، بە ژمارە 2ی ساڵی 2022 لە 22ـی تەممووزەوە کەوتووەتە بواری جێبەجێکردنەوە. هێمن میرانی لەوبارەوە گوتی، ئەو هاووڵاتییانەی هێشتا چەکی تۆمارنەکراویان لە ماڵەکانیان هەیە و مەبەستیانە ئەو چەکە بکەنە فەرمی، بەگوێرەی مادەی 12 بڕگەی یەکەم لە یاسای چەک، دوای بەرکاربوونی یاساکە، دوو مانگ مۆڵەت هەیە کە خۆیان سەردانی بەڕێوەبەرایەتیی کاروباری نێوخۆی پارێزگا و ئیدارە سەربەخۆکان بکەن، بۆ ئەوەی داوای مۆڵەتی دەستداری چەک یان هەڵگرتنی چەک بکەن.