رووداو دیجیتاڵ
لە تورکیا و باکووری کوردستان نرخی یەک لیتر گازوایل یەک لیرە و 55 قروش بەرز کرا؛ بڕیارەکەش لە رۆژی هەینییەوە جێبەجێ دەکرێت.
بەو نرخە نوێیە، لیترێک گازوایل لە ئیستەنبووڵ بە 33 لیرە و 87 قروش، لە ئەنقەرە بە 34 لیرە و 35 قروش و لە ئیزمیر بە 34 لیرە و 53 قروش دەبێت.
نرخی گازوایل لە 14ی ئایاردا کە هەڵبژاردنەکانی تورکیا بەڕێوەچوو، 18 لیرە و 58 قروش بوو. دوای هەڵبژاردنەکان و لە ماوەی دوو مانگدا نرخەکەی 82% بەرزبووەتەوە.
لەدوای هەڵبژاردنەکانی سەرۆکایەتی و پەرلەمانیی تورکیا لە 14 و 28ی ئایاری ئەمساڵدا، هاوتەریب لەگەڵ لاوازبوونی بەهای بەرامبەر دۆلار و دراوە بیانییەکان، نرخی سووتەمەنییش بەردەوام لە بەرزبوونەوەدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ