رووداو دیجیتاڵ
بەپێی داتاکانی دەستەی ئاماری تورکیا، ژمارەی بێکاران لە تورکیا و باکووری کوردستان لە مانگی تەممووزی ئەمساڵدا 38 هەزار کەس کەمیکردووە و گەیشتووەتە سێ ملیۆن و 291 هەزار کەس.
دەستەی ئاماری تورکیا ئەمڕۆ دووشەممە، 11ـی ئەیلوولی 2023، ئامارەکانی لەبارەی بێکاری و هێزی کار بۆ مانگی مانگی تەممووزی ئەمساڵ بڵاوکردەوە.
بەگوێرەی ئامارەکە، ژمارەی بێکاران لە مانگی تەممووزدا بەراورد بە مانگی حوزەیران 38 هەزار کەس کەمیکردووە و گەیشتووەتە سێ ملیۆن و 291 هەزار کەس، هەروەها رێژەی بێکاری 0.2٪ کەمیکردووە و لە مانگی تەممووزدا بووەتە 9.4٪.
رێژەی بێکاری لە نێو گەنجان کەمی کردووە. رێژەی بێکاریی ئەوانەی تەمەنیان لە نێوان 15 بۆ 24 ساڵە بەراورد بە مانگی حوزەیران بە رێژەی 0.3٪ کەمیکردووە و بووەتە 18٪.
لە تورکیا و باکووری کوردستان لە مانگی تەممووزدا 318 هەزار کەس هەلی کاریان بۆ رەخساوە و بە گشتی هەلی کار بۆ 31 هەزار و 671 هەزار کەس دەستەبەر کراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ