رووداو دیجیتاڵ
لە پارێزگای تۆکاتی تورکیا رووداوێکی هاتووچۆ لەنێوان بارهەڵگرێک و مینی پاسێک روویدا، بەهۆیەوە پێنج کەس گیانیان لەدەستدا.
رووداوەکە بەرەبەیانی ئەمڕۆ یەکشەممە 10ی کانوونی یەکەمی 2023 لەسەر رێگەی سەرەکیی تۆکات - سێواز لەنزیک گوندی یاتمش روویدا.
مینی پاسێك کە ئەحمەد ئۆزکوڵی تەمەن 29 ساڵ لێی دەخوڕی و بەرەو شاری تۆکات دەچوو، لە دواوە خۆی کێشاوە بە بارهەڵگرێکدا کە چەوەندەری شەکری بارکردبوو، بە هەمان ئاراستەدا دەچوو و کەسێكی 63 ساڵی بەناوی "ک. د." لێی دەخوڕی. لە ئەنجامدا شۆفێری مینی پاسەکە و چوار کەس لە سەرنشینانی مینی پاسەکە گیانیان لەدەستدا.
دوای گەیشتنی تیمەکانی تەندروستی، بەرگری شارستانی، پۆلیس و جەندرمە، پێنج کەس لەنێو مینی پاسەکەدا هێندرانە دەرەوە و دەرکەوت هەر پێنجیان گیانیان لەدەستداوە.
بەگوێرەی زانیارییەکان شۆفێری بارهەڵگرەکە دەستبەسەر کراوە، تائێستا ناسنامەی سێ لەو پێنج کەسەی لە رووداوەکەدا گیانیان لەدەستداوە، دەستنیشان نەکراوە و کارکردن بەردەوامە بۆ دەستنیشانکردنی ناسنامەی کەسێكی دیکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ