رووداوـ ئاژانسەکان
جێگری سەرۆکی کۆمسیۆنی باڵای سەربەخۆی هەڵبژاردنەکان رایدەگەیەنێت، بەهۆی دوورخستنەوەی سێ پاڵێوراو ئەنجامی هەڵبژاردنەكان گۆڕانی بەسەردا هاتووە.
گاتع زەوبەعی، جێگری سەرۆکی کۆمسیۆنی باڵای سەربەخۆی هەڵبژاردنەکان، رایگەیاند: "دوای یەکلاکردنەوەی سەرجەم تانەکان، دەستەی دادوەری هەڵبژاردنەکان، ئەنجامی کۆتایی پەسەندکرد".
کۆمسیۆن ئەنجامی کۆتایی هەڵبژاردنی ئەنجوومەنی پارێزگاکانی راگەیاند
ئاماژەشی بەوەكرد: "بەهۆی دوورخستنەوەی سێ پاڵێوراوی براوە لە هەرسێ پارێزگای نەجەف، موسەننا و بەغدا، ئەنجامی هەڵبژاردنەکان گۆڕانی بەسەردا دێت".
زەوبەعی گوتیشی: "هەر ئەمڕۆش ئەنجامە کۆتاییەکان رەوانەی پارێزگاکان دەکرێن".
زەوبەعی ئەوەشی ئاشكراكردووە "دوای یەکلاکردنەوەی تانەکان، دەستەی دادوەری هەڵبژاردنەکان، ئەنجامی کۆتایی هەڵبژاردنەکانی پەسەندکرد و سێ براوەشی دوورخستەوە، دوو پاڵێوراو بەهۆی تاوانی جینائی دوورخرانەوە و یەکێکیشیان بەهۆی بوونی جیاوازییەکی زۆر لە دەنگەکان".
هەروەها گوتی: "ئەمڕۆ کۆمسیۆن ئەنجامی هەڵبژاردنەکان بۆ ئەو پارێزگایانە رەاوانە دەکات، کە هەڵبژاردنیان تێدا کرابوو."
ئەمڕۆ ئەنجامی کۆتایی رەوانەی پارێزگاکان دەکرێئەمڕۆ چوارشەممە 29/5/2013 کۆمسیۆنی باڵای سەربەخۆی هەڵبژاردنەکان، ئەنجامی کۆتایی هەڵبژاردنەکانی ئەنجوومەنی پاریزگاکانی بۆ ساڵی 2013 راگەیاند، کە لە20/4/2013 ئەنجامدرا.
لەم هەڵبژاردنەدا رێژەی بەشداریكردن50% بوو، لە حەوت پارێزگا دەوڵەتی یاسا پلەی یەکەمی بەدەستهێنا و لە زۆربەی پارێزگاکانی دیکەش کوتلەی مواتین پلەی دووەمی بەدەستهێنا، کوتلەی سەدریش لە پلەی سێیەمدا دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ