رووداو دیجیتاڵ
سەرۆکى رەوتى حیکمە سەرەخۆشی لە گەل و حکومەتى ئێران کرد بۆ گیانلەدەستدانى ئیبراهیم رەئیسی، سەرۆککۆمارى ئەو وڵاتە و حوسێن ئەمیرعەبدوڵڵاهیان، وەزیرى دەرەوە، کە لە رووداوى تێکشکانى هێلیکۆپتەرەکەى لەگەڵ حەوت سەرنشینى دیکە گیانیان لەدەستدا.
عەمار حەکیم، سەرۆکى رەوتى حیکمە لە پەیامێکدا هاوخەمیى بۆ گەل و حکومەتى ئێران دەربڕى و سەرەخۆشیی لە عەلى خامنەیی، رێبەرى باڵاى شۆڕشى ئیسلامیى ئێران کرد.
ئەمڕۆ 20ى ئایار، بەرپرسانى ئێران گیانلەدەستدانى ئیبراهیم رەئیسى و حوسێن ئەمیرعەبدوڵڵاهیان و حەوت سەرنشینى دیکەى ئەو هێلیکۆپتەرەیان راگەیاند کە 19ى ئایار تێکشکا.
عەمار حەکیم دەڵێت، "ئەوە وەبیر دەهێنینەوە کە ئیبراهیم رەئیسى رۆڵى دیارى هەبوو لە ژیانى شۆڕشگێڕى و سیاسی و رۆشنبیریى ئێران و ناوچەکە و جیهان."
هێلیکۆپتەرەکەى سەرۆککۆمار لەکاتى گەڕانەوەى پارێزگاى ئازەربایجانى رۆژهەڵات بەرەو شارى تەورێز تێکشکا و دواى زیاتر لە 16 کاژێر گەڕانى تیمەکان، توانییان بگەنە شوێنى تێکشکانى هێلیکۆپتەرەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ