رووداو دیجیتاڵ
تەیف سامى، وەزیرى دارایی عێراق، پۆستێکى نوێى لە ئەنجوومەنى باڵاى کاروبارى ژنان لە عێراق پێدرا.
ئەو بڕیارە لە دووەم کۆبوونەوەى ئەو ئەنجوومەنە بوو، کە ئەمڕۆ یەکشەممە، 12ى ئایار بە سەرۆکایەتى محەممەد شیاع سوودانى، سەرۆکوەزیران کرا.
بەگوێرەى نووسینگەى رۆژنامەڤانى سەرۆکوەزیران، لەو کۆبوونەوەیەدا ئەندامانى ئەنجوومەنەکە، تەیف سامی-یان دیاریکردووە بۆ ئەوەى ببێتە جێگرى سەرۆکى ئەنجوومەنى باڵاى کاروبارى ژنان لە عێراق.
تەیف سامى تەمەن 61 ساڵ، خاوەنى بڕوانامەى بەکالۆریۆسە لە کۆلێژى کارگێڕى و ئابووریی زانکۆى بەغدا. ساڵى 2022 وەک وەزیرى دارایی کابینەى ئێستاى حکومەت هەڵبژێردرا، لە ساڵى 2019 ەوە بریکارى ئەو وەزارەتە بوو.
محەممەد شیاع سوودانى، سەرۆکایەتى ئەنجوومەنى باڵاى كاروبارى ژنان دەکات، جگە لە تەیف سامى، وەزیرانى کۆچ و کۆچبەران، پەیوەندییەکان، راوێژکارى سەرۆکوەزیران بۆ کاروبارى ژنان،بەڕێوەبەرى گشتیی فەرمانگەى نیشتیمانیى ژنانى عێراق تێیدا ئەندامن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ