رووداو دیجیتاڵ
گوتەبێژی وەزارەتی دەرەوەی ئێران دەڵێت، هەفتەی داهاتوو سەرۆکوەزیرانی عێراق سەردانی تاران دەکات.
ئەمڕۆ سێشەممە، 31ـی کانوونی یەکەمی 2024، ئیسماعیل بەقائی، گوتەبێژی وەزارەتی دەرەوەی ئێران رایگەیاند: "بڕیارە محەممەد شیاع سوودانی، سەرۆکوەزیرانی عێراق، هەفتەی داهاتوو سەردانی تاران بکات و لەگەڵ بەرپرسانی باڵا کۆببێتەوە".
بەقائی ئاماژەی بەوەشکرد: "ئەم سەردانە لە چوارچێوەی راوێژە بەردەوامەکانی نێوان ئێران و عێراقە بۆ فراوانکردنی پەیوەندییە دووقۆڵییەکان و گفتوگۆ سەبارەت بە پێشهاتەکانی ناوچەکە".
دوای رووخانی دەسەڵاتی بەشار ئەسەد لە 8ـی ئەم مانگەدا ئەمە یەکەم جارە سەرۆکوەزیرانی عێراق سەردانی ئێران دەکات.
عێراق و ئێران پەیوەندییەکی بەهێزی سیاسی، ئابووری و بازرگانییان لەنێواندا هەیە و ساڵانە بەرپرسانی باڵای هەردوو وڵات چەندین جار لەگەڵ یەکدی کۆدەبنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ