پێشانگەکە بۆ هۆشیارکردنەوەی منداڵانە لەبارەی ژینگە
رووداو دیجیتاڵ
پێشانگەی منداڵ و ژینگە لە شاری بۆکان لە پارێزگای ورمێی رۆژهەڵاتی کوردستان کراوەتەوە. ئامانج لێی هۆشیارکردنەوەی هاونیشتمانییانە، بە تایبەتی منداڵان بۆ ئەوەی زیاتر لە گرنگیی ژینگە تێبگەن.
گەڵا ئەحمەدیان، سەرپەرشتیاری پێشانگەی منداڵ و ژینگەیە، دەڵێت: ئەو تابلۆ و هێمایانەی لە پێشانگاکە پێشاندراون بە دەستی منداڵان دروست کراون. منداڵان ئاشنا دەکرێن بە ژینگەی ئەو ناوچەیەی تێیدا دەژین، تاوەکو بزانن چ باڵندە و گیانەوەرێک لە ناوچەکەیان هەیە و کامیان مەترسی لەنێوچوونی لەسەرە.
هانی، بەشداربووی پێشانگەکەیە، گوتی: پەیامی پێشانگەکە بۆ دایکان و باوکان ئەوەیە، پاراستنی ژینگە ئەرکی هەموو لایەکە. پێویستە منداڵیش لەوە تێبگەیێندرێن کە هەر گیانەوەرێک مافی ژیانی هەیە و دەبێ بپارێزرێت.
هەر کەسێک سەردانی پێشانگاکە بکات نەمامێکی دار بەڕووی پێ دەدەرێت تاوەکو لە شوێنێک بیڕوێنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ