رووداو دیجیتاڵ
توانا فەرەج، میوزیكژەن لە تەمەنی 52 ساڵیدا لە شاری سلێمانی كۆچی دواییكرد.
نیاز نووری، نەقیبی سەندیكای هونەرمەندانی كوردستان ئەمڕۆ شەممە 27-1-2024 بە تۆڕی میدیایی راگەیاند، بەرەبەیانی ئەمڕۆ شەممە توانا فەرەج، هونەرمەندی میوزیكژەن لە شاری سلێمانی بە جەڵتەی مێشك كۆچی دواییكرد.
نیاز نووری گوتیشی، "ئەو هونەرمەندە زیاتر لە 500 كاری هونەری جیاوازی هەبووە؛ گیانلەدەستدانی خەسارەتێكی گەورەیە بۆ سلێمانی و هەموو كوردستان".
نەقیبی سەندیكای هونەرمەندانی كوردستان ئەوەشی خستەڕوو کە هەر ئەمڕِۆ لە مزگەوتی ئەحمەد حاجی عەلی تەرمی هونەرمەندە کۆچکردووەکە بەرەو گۆڕستان بەڕێ دەكرێت".
توانا فەرەج لە ساڵی 1972 لە سلێمانی لەدایكبوو؛ ساڵانێكی زۆر لە بواری هونەری خزمەتی کرد و پیانۆژەنێكی دیاری كوردستان بوو.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ