کوڕێکی عەبدوڵڵا کوێخا موبارەک لە چەمچەماڵ کوژرا

 

ئەمڕۆ سێشەممە، 25-04-2023، یوسف ئەنوەر، بەرپرسی لقی چەمچەماڵی پارتی دیموکراتی کوردستان بە تۆڕی میدیایی رووداوی راگەیاند، کەمێک پێش ئێستا سەرهەد عەبدوڵڵا کوێخا موبارەک، لەبەردەم ماڵی خۆیان لە چەمچەماڵ بە دەستڕێژی گولـلە کوژرا.

 

سەرهەد لەدایکبووی ساڵی 2001 بووە، دوای ئەوەی تەقەی لێکراوە، دەستبەجێ گیانی لەدەستداوە. بە گوتەی ئەو بەرپرسەی پارتی، بکوژەکان کێشەی کۆنیان لەگەڵ ماڵباتی عەبدوڵلای کوێخا موبارەکدا هەبووە.

 

 

بەگوێرەی زانیارییەکانی رووداو، ئێستا تەرمی ئەو گەنجە لە دادپزیشکی چەمچەماڵە.