گوللەتۆپێک بەر خانووی هاونیشتمانییەکی گوندی هروور دەکەوێت

 

 

شەوی دووشەممە 25ـی نیسانی 2022، ئازاد ئەدیب، موختاری گوندی ھروور بە رووداوی راگەیاند، "کاژێر 20:30ـی ئەمشەو سوپای تورکیا گوللەتۆپێکیان ئاڕاستەی دەوروبەری گوندەکەیان کردووە و ماڵی هاونیشتمانییەک زیانی بەرکەوتووە." 

 

لە ماوەی پێنج رۆژی رابردوودا، بە گوتەی موختاری گوندی ھروور، تورکیا ئەمە 46هەمین تۆپە ئاڕاستەی گوندەکەی دەکات. 

 

سلێمان عومەر، خاوەنی ئەو ماڵەی کە گوللە تۆپەکەی بەرکەوتووە بە حەیدەر دۆسکی پەیامنێری رووداوی گوت، "خۆشبەختانە لەو کاتەی گوللەتۆپەکە بەر ماڵەکەمان کەوتووە کەس لەوێ نەبووە، بەڵام ئەگەر لە ماڵەوە بووینایە زیانی گیانی دەبوو." 

 

ماڵەکە دەکەوێتە دەروازەی گوندی هروور و چۆڵە، خاوەنەکەی تەنیا رۆژانی ھەینی سەردانی دەکات، چونکە خۆی دانیشتووی شاری دھۆکە. 

 

سوپاى تورکیا لە 18ى نیسانى 2022 ئۆپەراسیۆنى چڕنووک- قفڵى لە ناوچە سنورییەکانى هەرێمى کوردستان لە دژى پارتى کرێکارانى کوردستان (پەکەکە) دەستپێکرد و تائێستاش بەردەوامە.