هەڵەیەک روویدا! دووبارە هەوڵبدە
رووداو - سلێمانی
هۆشداری دەدرێتە هاونیشتمانییانی سلێمانی و چەمچەماڵ، کە لە رۆژی چوارشەممەوە بۆ ماوەی 24 کاژێر بێ ئاو دەبن.
سەربەست محەممەد، بەڕێوەبەری بەڕێوەبەرایەتیی ئاوی سلێمانی بە تۆڕی میدیایی رووداوی راگەیاند "رۆژی چوارشەممە (25-9-2019)، 80%ـی گەڕەکەکانی سلێمانی و قەزای چەمچەماڵ، شارۆچکەکانی: شۆڕش، تەکیە و بازیان بۆ ماوەی شەو و رۆژێک بێ ئاو دەبن".
راگرتنی ئاو بەهۆی کارکردنی بەڕێوەبەرایەتیی چاککردنی هێڵەکانی کارەبایە، سەربەست محەممەد دەڵێ "بەمەبەستی گواستنەوەی دوو تاوەری کارەبا و دووبارە راکێشانەوەی کێبڵەکانی، کە کارەبای زۆری تێدایە، ناچارن کارەبا لە وێستگەکانی ئاو ببڕن، لەو کاتەشدا گواستنەوەی ئاو بۆ ماڵان دەوەستێت".
سەربەست محەممەد ئاشکرای کرد "تاوەکو ئێستا دیارنییە چاککردنی هێڵەکانی کارەبا چەند هەنگاوی دیکەی ماوە، کە لە هەر هەنگاوێکدا ئاویش دەبڕێت"، بۆیە هۆشیاری دەداتە هاونیشتیمانیان بەکارهێنانی ئاو کەمبکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ