رووداو دیجیتاڵ
کۆبوونەوەکانی رەجەب تەیب ئەردۆغان، سەرۆککۆماری تورکیا و شاندی یاوەری لەگەڵ نێچیرڤان بارزانی، سەرۆکی هەرێمی کوردستان و شاندی باڵای حکومەتی هەرێمی کوردستان کۆتاییان هات.
بەپێی زانیارییەکانی رووداو، فڕۆکەکەی ئەردۆغان لە فڕۆکەخانەی هەولێرەوە بەرەو تورکیا بەڕێکەوتووە.
ئەردۆغان کاژێر 20:15 گەیشتە فڕۆکەخانەی هەولێر و پاشان بە مەبەستی کۆبوونەوە لەگەڵ بەرپرسانی باڵای هەرێمی کوردستان گەیشتە سەرۆکایەتیی هەرێمی کوردستان.
لە سەرۆکایەتیی هەرێمی کوردستان، ئەردۆغان و شاندەکەی لەگەڵ نێچیرڤان بارزانی، سەرۆکی هەرێمی کوردستان، مەسرور بارزانی، سەرۆکوەزیران و قوباد تاڵەبانی، جێگری سەرۆکوەزیران کۆبووەوە، هاوکات کۆبوونەوەکە بە بەشداری چەندین وەزیر و بەرپرسی باڵای دیکەی هەرێمی کوردستان بوو.
هەروەها، کۆبوونەوەیەکی تایبەتی لەگەڵ سەرۆک مەسعود بارزانی هەبوو.
ئەمڕۆ دووشەممە، 22-4-2024، دوای 13 ساڵ، رەجەب تەیب ئەردۆغان، سەرۆککۆماری تورکیا و شاندێکی یاوەری سەردانی عێراقیان کرد.
عێراق و تورکیا 26 رێککەوتن و یاداشتی لێکتێگەیشتنیان لە بوارەکانی ئاسایش، بازرگانی، ئاو، رێگەی گەشەپێدان و چەند بوارێکی دیکە واژۆ کرد.
رێککەوتنەکان بە سەرپەرشتیی محەممەد شیاع سوودانی، سەرۆکوەزیرانی عێراق و رەجەب تەیب ئەردۆغان واژۆ کران.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ