فیستیڤاڵی مەلەوانی لە شیلادزێ
رووداو دیجیتاڵ
لە شیلادزێ 60 کوڕی مەلەوان بەشداریی فیستیڤاڵی ئاو دەکەن، ئەوان لە بەرزایی 20 مەترەوە خۆیان هەڵدەدەنە نێو رووباری شین و بە مەلە و بەلەم بەپانی رووبارەکە دەبڕن.
کەیفوڵڵا حاجی، بەشداربوویەکی فیستیڤاڵەکە دەڵێت، بەشداریی سێ پێشبڕکێی کردووە و داوا دەکات فیستیڤاڵەکە گرنگیی زیاتری پێبدرێت و خەڵک لە شارەکانی دیکەشەوە بەشداریی تێدا بکەن.
ئەوە یەکەم جارە فیستیڤاڵێکی لەوە شێوەیە لە شیلادزێ رێکدەخرێت. بێوار چەمتی، رێکخەری فیستیڤاڵەکە دەڵێت، ئامانجیان ئەوەیە سەرنجی گەشتیاران بچێتە سەر ئەو ناوچەیە.
بە گوتەی خەڵکی ئەو ناوچەیە، 27 شوێنی گەشتیاری لەسەر ئاوی مارک و رووباری شین هەن. زیاتر لە 150 گەنج کاریان تێدا دەکرد، بەڵام ئێستا بەهۆی شەڕی تورکیا و پەکەکە بەشێکی زۆری ناوچەکان داخراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ