رووداو دیجیتاڵ
ئاسایشی راپەڕین دەڵێت، هێزەکانیان بۆ دەستگیرکردنی چەند کەسێک کە بە تۆمەتی "گەڕان بۆ شوێنەوار" چووبوونە چیای ماکۆک، چوونەتە شوێنەکە، بەڵام تۆمەتبارەکان خۆیان رادەستنەکردووە و دوای رووبەڕووبوونەوە لەگەڵیان، هەڵاتوون.
لە راگەیێندراوێکدا بەڕێوەبەرایەتیی ئاسایشی ئیدارەی راپەڕین دەڵێت، شەوی هەینی، 20-1-2023، ئاگادار کراونەتەوە لە لەلایەن کەسانێکەوە هەوڵی دۆزینەوەی شوێنەوار دەدرێت لە چیای ماکۆک، دوای ئەوەی هێزەکانیان چوونەتە شوێنی رووداوەکە، تۆمەتباران رووبەڕوویان بوونەتەوە و دوای تەقەکردن، هەڵاتوون.
بە گوێرەی راگەیێندراوەکەی ئاسایشی راپەڕین، "هێزەکانی ئاسایشی قەزای حاجیاوا چوونەتە شوێنەکە و لە کاتی هەوڵی دەستگیرکردنی تۆمەتبارەکاندا رووبەڕووبونەوە دروست بووە و تۆمەتباران بۆ خۆدەربازکردن تەقەیان کردووە و لەبەر تاریکی و شاخاوییبوونی شوێنەکە، توانیویانە رابکەن".
لە راگەیێندراوەکەدا ئاماژە بەوەشکراوە کە هێزەکانی ئاسایش سەرقاڵی لێکۆڵینەوە و بەدواداچوونن بۆ دۆزینەوی تۆمەتباران.
بەڕێوەبەرایەتیی ئاسایشی راپەڕین "دڵنیایی" داوەتە هاونیشتمانییان کە هیچ مەترسییەک لە ناوچەکەدا نییە و هیچ زیانێکی مادی و گیانیش نەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ