هەڵەیەک روویدا! دووبارە هەوڵبدە
دیمەنێکی رووداوە هاتووچۆکە
رووداو دیجیتاڵ
بەهۆی رووداوێکی هاتووچۆوە لەسەر رێگەی شێخان - دهۆک لە نزیک باعەدرێ، سێ هاونیشتمانی گیانیان لەدەستدا و یەکێکی دیکەش بریندار بوو.
دوو لەو کەسانەی گیانیان لەدەستداوە هاوژینی یەکدین و کچێکیشیان بریندارە. ئەو کەسەی دیکەیش کە لە رووداوەکەدا گیانی لەدەستداوە خەڵکی شێخان و دوو منداڵی هەیە.
سابر بەرگارەیی، کەسوکاری قوربانییەکان دەڵێت، "رۆژی سێشەممە زەماوەندی کچەکەیان بوو، لە رێگەدا بوون و دەچوون بۆلای کەسوکاریان، بەڵام لە رێگەدا تووشی ئەو رووداوە بوون و بەداخەوە گیانیان لەدەستدا."
جگە لە گیانلەدەستدانی ئەو دوو هاوژینە، حوزنی سەبری کە تەمەنی 30 ساڵ بوو و، خەڵکی قەزای شێخان بوو، لە رووداوەکەدا گیانی لەدەستدا و دوو منداڵی لە دوای خۆی بەجێهێشت.
دێوالی عەگید، کەسوکاری حوزنی دەڵێت، شۆفێری تەکسی بوو و، کاری دەکرد، بەڵام ئەو رووداوە بووە هۆی گیانلەدەستدانی."
رووداوە هاتووچۆکە نیوەڕۆی رۆژی پێنجشەممە، 17-11-2022، لەنێوان دوو ئۆتۆمبێل لەسەر رێگەی دهۆک - باعەدرێ روویدا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ