هادی عامری و فالح فەییاز سەردانی کەرکووک دەکەن

 

رۆژی شەممە 17-9-2022، شێخ بورهان مزهر عاسی، کەسایەتیی هۆزی عوبێد و سەرۆکی کۆمەڵەی عەرەبی لە ئەنجوومەنی پارێزگای کەرکووکی هەڵوەشاوە بە تۆڕی میدیایی رووداوی راگەیاند، ئامانجی سەردانەکەی ئەمڕۆی هادی عامری و فالح فەییاز بەشداریکردن بووە لە پرسەی شێخ ئەنوەر عاسی، سەرۆکی هۆزی عوبێد.

 

شێخ بورهان مزهر عاسی گوتیشی، هەر ئەمڕۆ جومعە عیناد، وەزیری بەرگریی عێراق سەردانی کەرکووکی کردووە بە مەبەستی بەشداریکردن لەو پرسەیەدا.

 

رۆژی سێشەممە 13-9-2022، دوای ململانێیەکی زۆر لەگەڵ نەخۆشییەکەیدا، شێخ ئەنوەر عاسی، سەرۆکی هۆزی عوبێد لە عێراق لە یەکێک لە نەخۆشخانەکانی کەرکووک کۆچی دواییکرد.