هێزەکانی هاوپەیمانان: یەكخستنەوەی هێزی پێشمەرگە بە لامانەوە بایەخێكی تایبەتی هەیە

 

ئەمڕۆ چوارشەممە 16-06-2021 سەرۆک مەسعود بارزانی لە سەلاحەدین لەگەڵ بێڵ ریچار کۆبووەوە، بەپێی راگەیێندراوی بارەگای بارزانی، "لە دیدارەكەدا جێگری فەرماندەی گشتیی هێزی هاوپەیمانان لە عێراق و سووریا سەرەخۆشی لە سەرۆك بارزانی و گەلی كوردستان كرد بە هۆی شەهیدبوونی ئەو پێشمەرگانەی لە لایەن پەكەكەوە لە چیای مەتین شەهید بوونە و هیوای چاكبوونەوەی بۆ برینداران خواست."

 

بەپێی راگەیێندراوی بارەگای بارزانی، "دروستكردنی ناوەندی هاوئاهەنگیی نێوان هێزی پێشمەرگەی كوردستان و هێزەكانی عێراقی بۆ پاراستنی ناوچەكان لە هەڕەشەی تیرۆریستان و هەروەها هەنگاونان بۆ پێكهێنانی هێزی هاوبەشی هەردوولا بۆ هەمان مەبەست بە گرنگ و بەرهەمدار وەسف كرا".

 

هەوڵەكان بۆ یەكخستنەوەی هێزی پێشمەرگە و ئەنجامدانی چاكسازی لە وەزارەتی پێشمەرگە تەوەرێكی دیکەی ئەو دیدارە بوو.

 

 

ڕۆژی چوارشەممە ١٦ـی حوزەیرانی ٢٠٢١ لە سەلاحەددین سەرۆك مەسعود بارزانی پێشوازی لە بێڵ ڕیچارد جێگری فەرماندەی گشتیی هێزی هاوپەیمانان لە عێراق و سووریا و شاندێكی یاوەری كرد.

 

لە دیدارەكەدا جێگری فەرماندەی گشتیی هێزی هاوپەیمانان لە عێراق و سووریا سەرەخۆشی لە سەرۆك بارزانی و گەلی كوردستان كرد بە هۆی شەهیدبوونی ئەو پێشمەرگانەی لە لایەن پەكەكەوە لە چیای مەتین شەهید بوونە و هیوای چاكبوونەوەی بۆ برینداران خواست. هەر لەو كۆبوونەوەیەدا جێگری فەرماندەی گشتیی هێزی هاوپەیمانان لە عێراق و سووریا بارودۆخی مەیدانیی هەوڵی هاوپەیمانان بۆ ڕووبەڕووبوونەوەی تیرۆریستانی داعش لە عێراق و سووریای بۆ سەرۆك بارزانی خستەڕوو.

 

لە بەشێكی تری ئەو كۆبوونەوەیەدا دروستكردنی ناوەندی هەماهەنگیی نێوان هێزی پێشمەرگەی كوردستان و هێزەكانی عێراقی بۆ پاراستنی ناوچەكان لە هەڕەشەی تیرۆریستان و هەروەها هەنگاونان بۆ پێكهێنانی هێزی هاوبەشی هەردوولا بۆ هەمان مەبەست بە گرنگ و بەرهەمدار وەسف كرا.

 

هەوڵەكان بۆ یەكخستنەوەی هێزی پێشمەرگە و ئەنجامدانی چاكسازی لە وەزارەتی پێشمەرگە تەوەرێكی تری ئەو دیدارە بوو و، جێگری فەرماندەی گشتیی هێزی هاوپەیمانان لە عێراق و سووریا ئەوەی خستەڕوو كە یەكخستنەوەی پێشمەرگە بە لای وڵاتانی هاوپەیمانەوە گرنگی و بایەخێكی تایبەتی هەیە.