نێچیرڤان بارزانی و باڵیۆزی فەرەنسا تاوتوێی دۆخی سووریا دەکەن

11 کاژێر له‌مه‌وپێش
سه‌رۆكى هه‌رێمى كوردستان پێشوازيى له‌ باڵيۆزى فه‌ره‌نسا كرد
سه‌رۆكى هه‌رێمى كوردستان پێشوازيى له‌ باڵيۆزى فه‌ره‌نسا كرد
A+ A-
 
رووداو دیجیتاڵ 

ئێوارەی ئەمڕۆ يه‌كشه‌ممه‌ نێچیرڤان بارزانی، سەرۆکی هەرێمی کوردستان، له‌گه‌ڵ پاتريک دورێل، باڵیۆزی فەرەنسا لە عێراق کۆبووه‌وه‌.
 
سەرۆکایەتی هەرێمی کوردستان لە راگەیێندراوێکدا دەڵێت: "لە كۆبوونه‌وه‌كه‌دا پەیوەندییەکانی فەرەنسا لەگەڵ عێراق و هەرێمی کوردستان و چۆنیەتیی بەهێزکردنی هاوکاريى نێوانيان لە بوارە جیاکاندا تاوتوێ کران، هەروەها لەبارەی رەوشی گشتیی عێراق و دوایین پێشهاتەکانی ناوچه‌كه‌، به‌تايبه‌تى سووريا، بيروڕايان گۆڕييه‌وه‌."
 
بەگوێرەی راگەیێندراوەکە، نێچیرڤان بارزانی ستایش و پێزانینی خۆی بۆ پشتگیریی بەردەوامی فەرەنسا له‌ هەرێمی کوردستان دەربڕی، "هەروەها جەختی لەسەر گرنگیی بەهێزکردنی پەیوەندییەکانى هه‌ردوولا لە هەموو بوارەکاندا کردەوە."
 
لای خۆیەوە، باڵیۆزی فەرەنسا وێڕاى به‌بيرهێنانه‌وه‌ى قوربانييانى كيميابارانكردنى هه‌ڵه‌بجه‌، "دووپاتی کردەوە کە وڵاتەکەی بەردەوام دەبێت لە پشتگیریکردنی هەرێمی کوردستان و عێراق، هەروەها ستایشی ڕۆڵی هه‌ردووكيانى لە پاراستنی سەقامگیری لە ناوچه‌که‌دا کرد."
 
له‌ كۆبوونه‌وه‌كه‌دا يان برێم، کۆنسووڵی گشتیی فه‌ره‌نسا له‌ هه‌رێمی کوردستان، ئاماده‌ بوو.
 
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

بەرنامەی لەگەڵ رەنج.

لەگەڵ رەنج؛ خوێندنی پیشەیی لە هەرێمی کوردستان شکستی هێناوە؟

خوێندنی پیشەیی لە هەرێمی کوردستان لە چ ئاستێکدایە؟ بووەتە هۆی ‏ئەوەی دەرچووانی بەشە پیشەییەکان بەهۆی خوێندنەکەیان کاریان دەست ‏بکەوێت لە قۆناخەکانی ئامادەیی ‌و پەیمانگا‌و زانکۆکان؟ ئەوە پرسیاری ‏سەرەکیی بەرنامەکە بوو، وەڵامی سەرجەم میوانەکانی ئەم بەرنامەیە ‏بەشێوەیەکی گشتی نەخێر بوو.