رووداو دیجیتاڵ
بەبۆنەی هەڵبژاردنی وەکو سەرۆکی ئیماراتی یەکگرتووی عەرەبی، مەسرور بارزانی پەیامێکی پیرۆزبایی ئاراستەی محەممەد بن زاید دەکات و دەڵیت، "بەم بۆنەوە چاوەڕێی پتەوکردنی پەیوەندییە تایبەتییەکانی نێوان هەرێمی کوردستان و ئیمارات دەکەم."
رۆژی هەینی، 13-05-2022، خەلیفە بن زاید ئالنەهیان، سەرۆکی ئیمارات و فەرماندەی گشتیی هێزە چەکدارەکان لە تەمەنی 74 ساڵیدا کۆچی دواییکرد. بەهۆیەوە بەپێی وەزارەتی کاروباری سەرۆکایەتی، بۆ ماوەی 40 رۆژ ئاڵای ئەو وڵاتە لەسەر دامەزراوەکان دادەگیرێت و سێ رۆژیش دەوام لە فەرمانگەکانی کەرتی گشتی و تایبەتیش رادەگیرێت.
ئەنجوومەنی باڵای ئیمارات لە کۆبوونەوەی رۆژی شەممە 14-05-2022یدا و بە گوێرەی بڕگەی 51ـی دەستوور، محەممەد بن زایدی وەکو سەرۆکی وڵات هەڵبژارد.
مەسرور بارزانی، سەرۆکوەزیرانی هەرێمی کوردستان بەو بۆنەیەوە وێڕای پیرۆزباییکردن لە محەممەد بن زاید، سەرۆکی نوێی ئیمارات، هیوا دەخوازێت لە ئەرکە نوێکەی سەرکەوتووبێت و دەشڵێت، "بەم بۆنەوە چاوەڕێی پتەوکردنی پەیوەندییە تایبەتییەکانی نێوان هەرێمی کوردستان و ئیمارات دەکەم."
بمناسبة انتخاب الشيخ @MohamedBinZayed رئيساً لدولة الإمارات العربية المتحدة، أتقدم إلى سموه بأحر التهاني والتبريكات، وأتطلع بهذه المناسبة إلى تعزيز العلاقات المتميزة بين إقليم كوردستان والإمارات، وأتمنى له النجاح في مهامه النبيلة.
— Masrour Barzani (@masrour_barzani) May 14, 2022
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ