رووداو دیجیتاڵ
دوو کەسی بیرهەڵکەن لەنێو بیرێک لە یەکێک لە گوندەکانی سنووری شاری قوروەی سەر بە پارێزگای سنە لە رۆژهەڵاتی کوردستان گیانیان لەدەستدا. ئەو دوو هاووڵاتییە خەڵکی ئەفغانستانن و هۆکاری مەرگیشیان روون نییە.
جەمیل تاهیری، بەرپرسی بەرگریی شارستانیی شاری قوروە دەڵێت، دوانیوەڕۆی رۆژی یەکشەممە 10-12-2023 دوو بیرهەڵکەنی تەمەن 45 ساڵ و 20 ساڵ لە گوندی برمەتەپە لە بیرێکی 20 مەتریدا گیانیان لەدەستدا.
بە گوتەی جەمیل تاهیری، ئەو دوو کەسە خەڵکی ئەفغانستان بوون و تەرمەکانیان رادەستی پۆلیس کراوە.
چوونی هاووڵاتییانی ئەفغانستانی و کارکردنیان لە 16 پارێزگای رۆژهەڵاتی کوردستان و ئێران، لەوانەش پارێزگای سنە قەدەخەیە. هێشتا نازانرێت چۆن ئەو دوو کرێکارە چوونەتە سنە و چۆن لەو بیرەدا گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ